आर्थिक सहयोग

फेब्रुअरी १७, २०१३
हार्टफोर्ड

कनेक्टिकट नेपाली समाजले गत जनवरी ३०, २०१३ मा सडक दुर्घटनामा परी दिबंगत यादेवी खड्काको परिवारलाई आर्थिक सहयोग स्वरूप १९९४ ( एक हजार नौ सय चौरानब्बे ) डलर उपलब्ध गराएको छ|उक्त रकम संस्थाका अध्यक्ष श्री सन्तोष लम्सालले मृतककी आमा श्रीमती दुर्गा सन्यासीलाई हस्तान्तरण गर्नुभएको थियो| उक्त अवसरमा श्री लम्सालले यस्ता चुनौतिपूर्ण समयमा हामीहरू एक भएर अगाडी बढ्नुपर्ने कुरामा जोड दिनुभएको थियो| संस्थाका कोषाध्यक्ष श्री जितेन्द्र बस्नेतले आर्थिक चुनौती अत्यन्त मार्मिक चिज भएको र यस परिवेशमा सहयोगको आदानप्रदान हुनु अत्यन्त आवश्यक रहेको बताउनु भयो| त्यस्तै नेकोनका पूर्व उपाध्यक्ष श्री घनश्याम खड्काले आफुले भुटानी-नेपाली समुदायलाई परिआएका अप्ठ्याराहरुमा सक्दो सहयोग गरेको कुरा बताउनु भयो | भुटानी-नेपाली समाजका अध्यक्ष श्री रुप भारतीले विविध सावधानीका बाबजुध आफ्नो समाजमा समय समयमा यस्ता नराम्रा घटना घट्नु दुर्भाग्यपूर्ण भएको कुरा व्यक्त गर्नु भयो |

पीडित परिवारका तर्फबाट कनेक्टिकट नेपाली समाजको सहयोगले दुई समुदायलाई नजिक्याएको कुरा व्यक्त गर्दै सहयोग दाताहरूमा हृदय देखिनै आभार व्यक्त गरिएको थियो |

%%wppa%% %%photo=1206%% %%size=620%%