ग्र्याजुएट नेपाली विद्यार्थीहरुको सम्मान

– नारायण पौडेल 

कनेक्टिकट नेपाली समाजले ग्र्याजुएट नेपाली विद्यार्थीहरुको सम्मानमा यही अगस्त १६ तारिखका दिन एक बिशेष कार्यक्रमको आयोजना गर्यो । संस्थाका अध्यक्ष श्री घनश्याम खड्काको सभापतित्व तथा कार्यकारी सदस्य श्री नारायण पौडेलको सम्योजन र प्रस्तुतिमा भएको सो कार्यक्रममा २०१२,२०१३ र २०१४ मा हाई स्कुल अथवा कलेज ग्र्याजुएट गर्ने ६० जना बिद्यार्थीहरुलाई सम्मान् पत्र  तथा दोसल्ला ओढाएर सम्मान गरिएको थियो  ।

संस्थाका सचिव श्री जय राइको स्वागत भाषणसँगै सुरु भएको सो कार्यक्रममा इष्टर्न कनेक्टिकट स्टेट युनिभर्सिटीका प्रोफेसर हरि कोइराला तथा न्यू हेवन युनिभर्सिटीका प्रोफेसर कमल उपाध्यायलाई अतिथिको रुपमा आसन ग्रहण गराइएको थियो । प्रोफेसर कोइरालाले छोटो समयमा यति धेरै नेपाली विद्यार्थीहरु ग्र्याजुएट भएकोमा खुशी ब्यक्त गर्दै आगामी दिनहरुमा पनि सफलताको शुभकामना दिनुभएको थियो । त्यसैगरी प्रोफेसर उपाध्यायले हाई स्कुल ग्र्याजुएट पछी कलेजको शिक्षा असाध्य नै मेहनत साथ गर्नुपर्ने र जि.पि. ए. मा बिशेष ध्यान दिनुपर्ने कुरा बताउनुभएको थियो। दुबै जना प्रोफेसरहरुले आफ्ना छोराछोरिहरुको अध्ययनमा अभिभावकको बिशेष भूमिकाको बारेमा पनि चर्चा गर्नुभएको थियो ।

 संयोजक पौडेलले संस्थाले पहिलो पटक आयोजना गरेको यस प्रकारको कार्यक्रममा देखिएको उत्साहले आगामी बर्षहरुमा पनि कार्यक्रम गर्ने हौसल मिलेको बताउंदै  विद्यार्थीहरुले समेत संस्थाकोविकासमा निरन्तर योगदान दिने विश्वास ब्यक्त गर्नुभयो । 

अध्यक्ष खड्काले यति धेरै प्राबिधिकहरु संस्थाको सम्पत्तिकोरुपमा देख्न पाउंदा अत्यन्तै हर्षित भएको कुरा बताउनुभयो । साथै उहाँले सम्पूर्ण ग्र्याजुएटहरुलाई संस्थाको विकास र संस्थाले आयोजना गर्ने हरेक कार्यक्रममा तन मन धन र बचनले सहयोग गर्न आह्वान गर्नुभयो ।     

सो कार्यक्रममा निम्न विद्यार्थीहरुलाई सम्मान गरिएकोथियो ।

हाई स्कुल ग्र्याजुएट गर्ने विद्यार्थीहरुमा :  Anurag Ojha, Suyash Adhikari, Binita Adhikari, Dawa Chhiring Lama, Phurwa Chhiring Lama, Jensun  Yonjan, Anuja Dulal, Shushrusha Lamsal, Shruti Malik, Suraj Pandey, Swarup Lamsal, Anupa Devkota, Rickchen Yonjan, Astha Gautam, Dicchya Bajgain, Puja Karki, Shubham Dhakal, Abhisek Pradhan, Melisha Budhathoki, Sumeru Sapkota, Samrat Adhikari, Biswas Pokharel, Ayeshra Acharya, Mamata Bhandari, Aishma Regmi, Sandesh Shrestha, Sahara Shrestha, Shila Rajbahak, Sachin Shrestha, Saral Shrestha, Saroj Bhandari, Sasyat Thapa, Anila Shrestha, Pranaya Limbu, Sujata Pant, Dipesh Mahat 

  कलेज ग्र्याजुएट गर्ने  विद्यार्थीहरुमा     : Anup Ojha, Anupam Ojha, Sangam Dhakal, Smriti Bajgain, Astha Shrestha, Prabha Pokharel, Sajan Shrestha, Pranaya Bhattarai, Rupesh Parajuli, Madhusudan Aryal, Milan Shrestha, Nibesh Paudel, Laxmi Shivakoti, Binod Pokhrel, Muna  Bhandari, Ramesh  Sharma, Naina Rana, Uki Lama