विद्यालयको आह्वान

आदरणीय अभिभावक तथा अन्य समाजसेवी महानुभावहरु,

गत हप्ताबाट हामीले दोश्रो वर्षको नेपाली भाषा कक्षा संचालन गर्न तपाईंहरुको सहयोगले सफल भएका छौं |

गत वर्ष गरिएको कक्षा संचालनको अनुभव र अविभावकको सुझावलाई ध्यानमा राख्दै यो भाषा कक्षा संचालन गरिंदै छ । कक्षा संचालन आफैंमा राम्रो कदम भए पनि यससंग केही चुनौतीहरु पनि जोडिएका छन्। कक्षा कोठाको खर्च, पाठ्यवस्तुको तयारी, विद्यार्थीको खाजाखर्च आदिको व्ययभार तपाईं अभिभावकको सहयोगविना असम्भव छ । यसकालागि हामीलाई यहाँहरुको निरन्तर सहयोगको अवश्यकता रहन्छ ।

विद्यार्थीहरुको गृह कार्यमा साथ दिने तथा उनीहरुलाई हौसला प्रदान गर्ने, घरायसी वातावरण नेपालीमय बनाउने जिम्मेवारी हार्दिकताका साथ यहाँहरुलाई छोडेका छौं | हामीसँग बारम्बार सम्पर्कमा रही उनीहरुको जिज्ञासा तथा उत्साहलाई थप उजागर गर्न र यहाँका सकारात्मक सुझावहरु राखिदिन पनि हामी आग्रह गर्दछौ |

अन्त्यमा, हाम्रो यो प्रयासमा यहाँहरुको रचनात्मक सहयोग र सहभागिताको लागि हामी आभारी छौं |

सहयोगार्थ सम्पर्क: घनश्याम खड्का, तिलक मल्ल, जय कु. राई, रमेश पाठक, माधब आत्रेय, अर्जुन दाहाल

धन्यवाद |

अर्जुन दाहाल

संयोजक, नेपाली भाषा कक्षा