दशै कार्यक्रम भव्यताकासाथ सम्पन्न

रघुनाथ गिरी

सेप्टेम्बर २८, २०१४ हार्टफोर्ड 

नेपालीहरुको महान चाड विजया दशमीको उपलक्ष्यमा कनेटिकट 
नेपाली समाजले सेप्टेम्बर २८ का दिन दशैं कार्यक्रम २०१४ 
भव्यताका साथ सम्पन्न गऱ्यो।उक्त कार्यक्रमको सभापतित्व संस्थाका 
अध्यक्ष श्री घनश्याम खड्काले गर्नुभएको थियो भने कार्यक्रमको मुख्य 
आर्कषकको रुपमा ख्यातिप्राप्त गायिका निशा सुनार तथा गायक मीन के.
सी. को प्रस्तुति रहेको थियो ।

उक्त कार्यक्रम तथा दशैंको महत्वको बारेमा प्रकाश पार्दै आगन्तुकलाई 
कार्यक्रम संयोजक श्री नारायण पौडेले स्वागत मन्तव्य राख्नु भयो।साथै 
उहाँले दशैं असत्य माथि सत्यको विजयको प्रतीकको रुपमा रहेको बताउनु 
भयो। सस्थाका अध्यक्ष तथा कार्यक्रमका सभापति श्री घनश्याम खड्काले
संस्थाका पर्व तथा विविध कार्यक्रमको बारेमा जानकारी दिंदै दशैंको प्रारम्भ 
तथा यसको सास्कृतिक महत्वका बारेमा प्रकाश पार्नुभएको थियो भने
सस्थाका सल्लाकार श्री कृष्ण अधिकारीले शुभकामना मन्तव्य राख्नुभएको थियो। 

कार्यक्रमको मुख्य आर्कषकको रुपमा अतिथि तथा ख्यातिप्राप्त गायिका 
निशा सुनार तथा गायक मीन के.सी को प्रस्तुति रहेको थियो । कलाकारद्वयद्वारा  
एकल गायन तथा लोकदोहोरी प्रस्तुतगरिएको थियो । उक्त कार्यक्रममा 
कनेटिकटमा बसोबास गर्ने नेपालीहरुको उल्लेखनीय सहभागिता रहेको थियो |
यसरी विभिन्न चाडपर्वका समयमा आयोजना गरिने कार्यक्रमले एकातिर 
परदेशमा रहेर पनि क्षणिक रुपमा भएपनि स्वदेशको आभास दिंदै आफ्नो 
धर्म,कला,सस्कृति रीतिरिवाजको जगेर्ना गर्दै अन्तर्राष्ट्रिय स्तरमा परिचित गराउँछ 
भने अर्कोतर्फ नयाँ पुस्तालाई कला,सस्कृति,रीतिरिवाजको बारेमा सिकाउँछ ।
त्यसैले आफ्नो पनलाई जीवन्तता दिदै अन्तर्राष्ट्रिय स्तरमा परिचित गराउने 
यस्ता कार्यक्रम निरन्तर रुपमा संचालन गनुपर्ने देखिन्छ ।